सरकारविरुद्ध नेविसंघको विरोध प्रदर्शन

भेरी खबर Jun 6, 2021

सरकारविरुद्ध प्रदर्शनमा उत्रिएको नेपाली कांग्रेसको भ्रातृ संस्था नेपाल विद्यार्थी संघ (नेविसंघ) का महामन्त्री दीपक भट्टराईसहितका नेता कार्यकर्तालाई प्रहरीले नियन्त्रणमा लिएको छ ।  निषधाज्ञा जारी रहेकै अवस्थामा नेविसंघले आज काठमाडौँको गंगबु चोकमा विरोध प्रदर्शन गरेको हो । 

नेविसंघका नेताहरु किशोर गुरूङ, सन्तोष आले, धर्मराज शाही, परोपकार अधिकारी,  सुदर्शन पनेरू, हिक्मत शाही, दीपेन्द्र ढकाल, सुमन बुढामगर पक्राउ परेका हुन् । प्रदर्शनमा पक्राउ परेका नेता कार्यकर्तालाई महाराजगञ्ज प्रहरी वृत्तमा राखिएको छ ।   

 

 

चुरे क्षेत्रको दोहन गरी ढुंगा, गिटी, बालुवा निकासी गर्ने कार्यक्रम बजेटमा समावेश भएको भन्दै नेविसंघले उक्त कार्यक्रम फिर्ता लिनुपर्ने बताएको छ । त्यस्तै उपप्रधान तथा सहरी विकास मन्त्री राजेन्द्र महतोको अभिव्यक्तिबारे प्रधानमन्त्री केपी शर्मा ओलीले जवाफ दिनुपर्ने नेविसंघको माग छ ।